Wednesday, January 24, 2018

தமிழ்த்தாயை அவமதித்தால் தவறில்லையா ராசா?



ஏதோ ஒரு புத்தக வெளியீட்டு விழா. அங்கே தமிழ்த்தாய் வாழ்த்து ஒலிக்கப்படுகிறது. தமிழகத்து ஆட்டுத்தாடி புரோஹித், ஹெச்.ராசா உட்பட மேடையில் உள்ள அனைவரும் எழுந்து நிற்கின்றனர்.

ஆனால் ஒரே ஒருவர் மட்டும் தனக்கும் தமிழ்த்தாய் வாழ்த்துக்கும் எந்த தொடர்பும் இல்லை என்பது போல ஆழ்நிலை தியானத்தில் இருப்பது போல ஒய்யாரமாக ஆசனத்தில் அமர்ந்திருக்கிறார்.

ஆம், சங்கரராமன் கொலை வழக்கில் சாட்சிகள் பல்டியடித்ததால் விடுவிக்கப்பட்ட ஜூனியர் சங்கராச்சாரியார் விஜயேந்திரர்தான் அவர்.

என் தாய் ஆண்டாளை வைரமுத்து அவமதித்தார் என்று சொல்லி ஆபாசமாக பேசி, கொலை மிரட்டல் விடுத்த ஹெச்.ராசாவே, இதோ உங்கள் கண் எதிரே விஜயேந்திரர் தமிழ்த்தாயை அவமதித்தாரே, எங்கே போனது உங்கள் நரகல் நாக்கு? தாயை இழிவுபடுத்திய விஜயேந்திரரைக் கண்டு உங்கள் ரத்தம் துடிக்கவில்லையா? அவர் தலையை மண்ணில் வீழ்த்த வேண்டும் என்றெல்லாம் உங்கள் கரங்கள் ஆர்ப்பரிக்கவில்லையா?

துடிக்காது, ஆர்ப்பரிக்காது, மனம் கலங்காது.

ஆம்.

சமஸ்கிருத மாதாவின் புத்திரர்கள் அல்லவா நீங்கள்?

ஆண்டாள் மீது மட்டும் பக்தி உண்டா என்ன உங்களுக்கு?

கலவரத்திற்கான கருவிதானே ஆண்டாள்!!!!!!!

Tuesday, January 23, 2018

பிரியாணி திருடர்களும் போலீஸும் . .



அண்டா பிரியாணி திருடர்களுக்கும் திருப்புவனம் காவல்துறைக்கும் உள்ள பேரன்பை, பிரியத்தை போஸ்டர் அடித்து வெளிப்படுத்தியுள்ளனர். 

மார்க்சிஸ்ட் கட்சியின் சிவகங்கை மாவட்டச் செயலாளர் தோழர் மு.கந்தசாமியை திருப்புவனம் போலீஸ் தாக்கியதைக் கண்டித்து நடைபெற்ற அனைத்து கட்சி கண்டனக் கூட்டத்தை தாங்க முடியாமல் இந்த போஸ்டர்.

போலீஸுக்கும் அண்டா பிரியாணி திருடர்களுக்கும் உள்ள கூட்டணி, இன்னும் யார் குடியை கெடுக்கவோ?

உலகின் முதல் இடதுசாரி பராசக்தியே !!!



எழுத்தாளர் தோழர் மதுரை பாலன் அவர்களின் முக நூல் பதிவிலிருந்து.


சுவாரஸ்யமான விஷயத்தை சுட்டாவது பகிர்ந்து கொள்ள வேண்டுமல்லவா! நான் அவருக்கு நன்றி சொல்லியே பகிர்ந்து கொண்டுள்ளேன்.

தவத்திரு அடிகளார் தலைமையில் பட்டிமன்றம். அதில் நான் பேசியபோது "சுவாமி..உலகிலேயே முதல் இடதுசாரி    யார் தெரியுமா? என்றேன்.

"நீங்களே சொல்லுங்க" என்றார். 

"சக்தி இல்லையேல் சிவனில்லை என்று தன் உரிமைக்காகப் போராடிய அன்னை பராசக்திதான்    உலகத்திலேயே முதல் இடதுசாரி" 

என்ற    நான்

"சக்தியின் போராட்டத்திற்குப்   பணிந்த சிவன் தன் உடம்பில் சரிபாகத் தைக் கொடுக்க சம்மதிக்கிறான். இப்போது எந்தப் பக்கத்தைக் கொடுப்பது?


வலப் பக்கத்தைக் கொடுப்பதா இடப்பக்கத்தைக் கொடுப்பதா? 

நீயே தேர்ந்தெடுத்துக் கொள் என்று சிவன் கூற


போராடக்கூடியவர்கள் எல்லாம் எந்தப் பக்கத்தில் இருக்கவேண்டும்   என்பதை   உணர்த்துவதற்காக அன்னை பராசக்தி     இடப்பக்கத்தையே தேர்ந்தெடுத்தாள்    சுவாமி "

 என்று விளக்க அடிகளார் முகத்தில் அத்தனை பரவசம். 

அருமை அருமை   என்றுகூறி மேஜையைத் தட்டித் தீர்த்து

விட்டார்.

ஜனாதிபதி இருக்காருப்பா




செஞ்சோற்றுக் கடன் தீர்க்கும் பணியை திரு ராம் கோவிந்த் தொடங்கி விட்டார். முதல் பணியாக ஆம் ஆத்மி சட்டமன்ற உறுப்பினர்களை பதவி நீக்கம் செய்யும் பரிந்துரையை ஏற்றதன் மூலம் தன்னை குடியரசுத் தலைவராக தேர்ந்தெடுத்தமைக்கு நியாயம் செய்துள்ளார். இன்னும் இரண்டு வருடங்களில் என்னவெல்லாம் நடக்கப் போகிறதோ? ஜனாதிபதி என்று ஒருவர் இருக்கிறார் என்பதை உலகிற்கு உரைத்தமைக்கு பாராட்டுக்கள். 

இந்த பிரச்சினையில் காண்பித்த வேகம் அபாரமானது. 
இது மக்களுக்கு நல்லதென்றால் இருக்குமா?

அப்படி எதையாவது மோடி செய்தால்தானே?

மக்களுக்கு நல்லது என்று எதுவும் நடக்கப்போவதில்லை.
இந்தியாவுக்கும் ஜனநாயகத்திற்கும்தான் . . ..  

Monday, January 22, 2018

தோழர்டா !!!!!


ஏழை மக்களுக்கு நியாயம் கேட்டதால் திருப்புவனம் காவல்துறையால் வெறித்தனமாக தாக்கப்பட்ட மார்க்சிஸ்ட் கம்யூனிஸ்ட் கட்சியின் சிவகங்கை மாவட்டச் செயலாளர் தோழர் மு.கந்தசாமி அவர்களின் இரண்டு முகநூல் பதிவுகள் பார்த்து மெய்சிலிர்த்துப் போனேன். அதனால் பகிர்ந்து கொள்கிறேன்.

தோழர்டா !!!!!!




அடிவாங்கலாம்
மக்களுக்கான போராட்டத்தில் ..
-----
என் நினைவு தெரிய
என் தகப்பன் என்னை 
ஒரு நாளும் அடித்தில்லை
ஒரு வார்த்தையேனும்
கடிந்து பேசவே
என் தகப்பனை அனுமத்திக்காத
என் தாய்
என் மீது அடி விழ
நிச்சயம்
அனுமதிருக்கமாட்டாள்

இதை நான் குழந்தைகளிடம்
அடிக்கடி பெருமையாக
சொல்லி மகிழ்வதை
என் துணைவியார்
மருத்துவமனையில் என்னை பார்க்க வந்த தோழர்களிடம் ,நண்பர்களிடம்
சொல்லி சொல்லி துடித்த போது
கலங்கிவிட்டேன் .
அதே தாய் மருத்துவமனையில்
என்னை பார்த்து துடித்தபோது
என்னால் தாங்கமுடியவில்லை தான்
அழுதுவிட்டு சொன்னாள்
போலிஸ் அடித்ததும்
நீ அடிவாங்கியதும் மவனே
மக்களுக்காக தானே
என்றதும்
அடிவாங்கலாம்
மீண்டும் மீண்டும்
அடிவாங்கலாம் ..

உன் லத்தி என்னை
என்னை என்ன செய்யமுடியும் ?
-
"உண்டியல் குழுக்கி ,
என்னடா பன்னுவீங்க, 
பத்..திருபது பேர் கொடி பிடுச்சு
கத்து வீங்க ,
காக்கி சட்டை அதிகாரம் தெரியுமாடா " என சொல்லி சொல்லி
நான்கு பேர் கையையும் காலையையும் பிடித்துக் கொண்டு கோழையாய்
உன் வீராப்பை காட்டினாய்
அப்போதே சொன்னேன்
கம்யூனிஸ்ட்கள் பற்றி உனக்கு தெரியும்

நீ அடி
எவ்வளவு வேண்டாலும் அடி
கம்யூனிஸ்டகள் பற்றி
இனி நீ தெரிஞ்சுக்குவ என்றேன்
ஆயிரமாயிரம் தோழர்களின்
ஆவேச குரலில் இப்பவே நடுங்குகிறாய்
காலை பிடிக்கவா கையை பிடிக்கவா
என தொடை நடுங்கி
நீ கெஞ்சும்போதே
உன் காக்கி திமீரும்
காவி அரசியலும் செத்துபோச்சு
என்று..
நானோ
முன்னிலும் வேகமாக
செயல்பாட்டுக்கான களத்திற்கு
என் கட்சி காட்டும் பாதையில்
கம்பீரமாக நடைபோட
தயாராகிவிட்டேன்
ஏனெனில்
நான் ஒரு கம்யூனிஸ்ட்
உன் லத்தி என்னை
என்ன செய்ய முடியும்
போடா ..

கலவரம் செய் . . . கேஸை ஊத்தி மூடலாம்.



முஸாபர்நகர் கலவரத்தை மறந்து விட முடியுமா? போலீஸ் ஸ்டேஷன் அளவில் முடிக்க வேண்டிய ஒரு சாதாரண அடிதடி பிரச்சினையை மாவட்ட அளவிலான கலவரமாக மாற்றிய பெருமை பாஜகவிற்கு உண்டு. அகில இந்திய தலைவராக அமித் ஷா பொறுப்பேற்ற பின்பு உத்தரபிரதேச மாநிலத்தில் வெற்றி பெற வேண்டும் என்பதே அவருக்கு கொடுக்கப்பட்ட  முதல் அஸைண்மெண்ட். 

அதற்காக நடத்தப்பட்டதே முஸாபர்நகர் கலவரங்கள். இதிலே பாதிக்கப் பட்டவர்கள் இஸ்லாமியர்கள் மட்டுமே என்பது நினைவுக்கு வருகிறதா?

மஹா பஞ்சாயத்,
போலி வீடியோ வினியோகம், 
அறுபது பேர் மரணம்,
பல கோடி ரூபாய் மதிப்பில் சொத்துக்கள் நாசம்,
ஆயிரக்கணக்கானவர்கள்  அகதிகள் முகாமில் குடியேற்றம்,
கலவரத்தை தூண்டியவர்களுக்கு மலர் கிரீடம் அணிவித்து மோடி மரியாதை

போன்றவையெல்லாம் நினைவுக்கு வருகிறதா?

இவை நினைவுக்கு வராவிட்டாலும்

கலவரங்கள் நிகழ்ந்தால் எங்கள் வெற்றிகள் தொடரும் என்று அமித் ஷா ஆணவத்தோடு சொன்னதாவது நினைவிற்கு வரும் என்று நம்புகிறேன்.

வன்முறைக்கலவரத்தை தூண்டியதாக பாஜக எம்.பி, எம்.எல்.ஏ, வட்ட, சதுர, செவ்வக பொறுப்பாளர்கள் மீதெல்லாம் அப்போது பதிவு செய்யப்பட்ட வழக்குகளை எல்லாம் திரும்பப் பெற வேண்டும் என்று மாநில உள்துறை செயலாளர் மாவட்ட கலெக்டருக்கு உத்தரவிட்டுள்ளார்.

ஆமாம், நியாயம்தானே?

மோடி பிரதமராவது அதிக எம்.பிக்களை கொடுத்த மாநிலம் உத்தரப் பிரதேசம். அதற்கு உதவியது முஸாபர்நகர் கலவரம்.

மோடியை பிரதமராக்கிய கலவரத் தளகர்த்தர்களுக்கு பதவியும் பொன்னும் மணியும் அள்ளி அள்ளி கொடுத்து அழகு பார்ப்பதுதானே முறை? அதுவும் கலவர மன்னன் யோகிசீசீ முதல்வராக இருக்கையில் ????

பேயரசு ஆட்சி செய்கையில் பிணம் தின்னுபவர்களுக்குத்தானே முதல் மரியாதை!

அவர்கள் மீது வழக்கு இருப்பதா?

ப்ளடி ஃபூல்ஸ், முதலில் அதை திரும்பப் பெறு.

அப்போதுதானே அவர்கள் தொடர்ந்து கலவரம் செய்ய முடியும் . . .

Sunday, January 21, 2018

அல்வா கிண்டிட்டாங்க . . .அடுத்து????



இப்படி ஒரு சடங்கை யார் கண்டுபிடித்தார்களோ?

ஒவ்வொரு ஆண்டும் மத்திய பட்ஜெட் தயாரிப்புப் பணிகளில் முதல் பணியாக "அல்வா கிண்டும் சடங்கு" இருக்கிறது.

நேற்றைய தினம் இந்த வருட பட்ஜெட்டிற்கான "அல்வா கிண்டும் சடங்கு"  அருண் ஜெய்ட்லியால் நடத்தப்பட்டுள்ளது.

உள்நாட்டு, பன்னாட்டு முதலாளிகளுக்கு "இனிப்பு"ம்

ஏழை எளிய நடுத்தர மக்களுக்கு வெறும் "அல்வா' மட்டும் தருவதுதான் மத்திய பட்ஜெட் என்பதை முன் கூட்டியே சொல்லத்தான் 

இந்த 'அல்வா கிண்டும் சடங்கு" போல.

இந்த வருடம் எத்தனை கிலோ அல்வா நமக்கெல்லாம் கிடைக்கப் போகிறதோ?