என்ன பெயர் வைக்கலாம்?

சமீபத்தில் ஒரு நிகழ்வில் பிரெட்டால் செய்த ஒரு இனிப்பு வஸ்து கொடுத்தார்கள்.

அதை இப்படித்தான் செய்திருக்கலாம் என்ற அனுமானத்தில் நானும் முயற்சித்தேன். அந்த செய்முறை உங்களுக்காக.

முதலில் பிரெட்டை டோஸ்ட் செய்து கொண்டேன்.

பிறகு அடுப்பில் சர்க்கரையை வைத்து ஜீரா தயார் செய்து கொண்டேன்.

அந்த ஜீராவில் டோஸ்ட் செய்த பிரெட்டுகளை ஊற வைத்துக் கொண்டேன்.

ஊறிய பிரெட்டுக்களை எடுத்து அதன் மீது கொஞ்சம் முந்திரி பொடியை தூவி இரண்டு திராட்சை வைத்து  அலங்கரித்து சாப்பிடக் கொடுத்தேன். திராட்சைக்குப் பதிலாக செர்ரி வைத்திருந்தால் இன்னும் அழகாக இருக்கும். ஆனால் கைவசம்  செர்ரி இல்லாததால் திராட்சை வைத்தேன். 

சுவை நன்றாக இருந்தது என்பது மகனின் கருத்து. 

ஆமாம். இதற்கு என்ன பெயர் என்ன என்று கேட்டான்.

அதானே, என்ன பெயர் வைக்கலாம்?