Friday, August 18, 2017

மோடி வகையறா - வாயில் வருவதெல்லாம் ??????

ஃப்ரண்ட்லைன் ஆசிரியர் தோழர் விஜயசங்கர் அவர்களின் முகநூல் பதிவின் தமிழாக்கம் கீழே

பண மதிப்பிழப்பு நடவடிக்கைக்குப் பிறகு வருமான வரி செலுத்துபவர்கள்
எண்ணிக்கை எவ்வளவு அதிகரித்தது தெரியுமா?

நிதியமைச்சர் அருண் ஜெய்ட்லி சொன்னது 91 லட்சம்

பொருளாதார ஆலோசாகர் அரவிந்த் சுப்ரமணியன் சொன்னது 5 லட்சம் 

அரசு  அறிவிப்பு 32 லட்சம்

செங்கோட்டை கொத்தளத்தில் நின்று மோடி சொன்னது 56 லட்சம் 

(அவரோட பனியன் சைஸ் 56 இஞ்ச்)

ஒரு பொய்யைக் கூட ஒரே மாதிரியா சொல்ல மாட்டீங்களாடா?

கால் ஒடிந்த வேதாளம்

நம்ம கண்ணுலதான் இந்த எழுத்துப்பிழையெல்லாம் தெரியும்.


பாவம் வேதாளத்தின் காலை ஒடித்து விட்டார்கள்

பாண்டி மடத்து பச்சை உடைக் காவிகள்




 மிகவும் துயரமான வேளையில் கொண்டாட்டம் அவசியமா என்ற கேள்வியை எழுப்பியதற்காகவும் மோடியின் ஜனவரி 2018 அபாய அறிவிப்பு பற்றி எழுதியதற்காகவும் ஒரு சங்கி வந்து ஆபாசமாக பேசி விட்டு போயிருக்கிறார்.

இப்போதெல்லாம் சங்கிகள் தாங்கள் ஏதோ மிகப்பெரிய தேசபக்தர்கள் போல கதை விட்டுக் கொண்டு திரிகிறார்கள். ஏதோ அவர்கள்தான் இந்தியாவின் பாதுகாவலர்கள் போல ஓவர் பில்ட் அப். இவர்களைப் பார்த்தால், இவர்கள் எழுதுவதைப் பார்த்தால் சிரிப்புதான் வருகிறது.

சுதந்திரத்திற்கும் காவிகளுக்கும் என்ன சம்பந்தம் இருக்கிறது.

சுதந்திரப்போராட்டத்தில் ஈடுபட்ட பெருமிதம் கம்யூனிஸ்டுகளுக்கு உண்டு.  காங்கிரஸ்காரர்களுக்கும் உண்டு.

கம்யூனிஸ்டுகளை எடுத்துக் கொண்டால் தோழர் ஹர்கிஷன்சிங் சுர்ஜித், பி.ராமமூர்த்தி, என்.சங்கரய்யா, ஆர்.நல்லக்கண்ணு என்று மிகப் பெரிய பட்டியலைச் சொல்ல முடியும். அகில இந்திய அளவிலோ, மாநில அளவிலோ மட்டுமல்ல, மாவட்ட அளவிலும் எண்ணற்ற தியாகிகள் உண்டு. வேலூர் மாவட்டத்தை எடுத்துக் கொண்டால் வரலாறாகவே வாழ்ந்த தோழர் கே.ஆர்.சுந்தரம் உடனடியாக மக்களின் நினைவுக்கு வருவார்.

இப்படி பெருமையாக ஒரு பெயர், ஒரே ஒரு பெயரை காவிகளால் சொல்ல முடியுமா?

ஓட்டைச் சட்டியில் எத்தனை அகப்பை போட்டாலும் என்ன கிடைக்கும்?

ஆனால் காவிகளுக்கு வேறு ஒரு பெருமை உண்டு.

சுதந்திரப் போராட்டத்தை காட்டிக் கொடுத்த வரலாறு உண்டு.

வீர (!) சவர்க்கார், வாஜ்பாயி ஆகியோரின் துரோக வரலாறு அனைவரும் அறிந்ததுதான். சுதந்திரப்போராட்டத்தின் முன்னணித் தலைவரான அண்ணல் காந்தியைக் கொன்ற ரத்தக்கறை தோய்ந்த உடைகள் இன்றும் நாற்றமடிக்கிறதே.

விடுதலை பெற்ற பின்பு பல்லாண்டுகள் தேசியக் கொடியை ஏற்றாதவர்கள், ஏற்றுக் கொள்ளாதவர்கள்,

இந்திய விடுதலை அளித்த அரசியல் சாசனத்தை மறுத்து “மனு தர்மமே” உயர்ந்தது என்றவர்கள்,

இந்திய அரசியல் சாசனம் கூறும் மதச்சார்பின்மையை இன்று வரை ஏற்றுக் கொள்ளாதவர்கள்.

இதுதான் காவிகளின் உண்மையான நிலை.

ஆனால் இந்த காட்டிக் கொடுத்த களவாணிகள், ஏதோ இவர்கள்தான் சுதந்திரப் போராட்டத்தை முன் நின்று நடத்தியது போலவும் பெற்ற சுதந்திரத்தை பாதுகாப்பது போலவும் சீன் போட்டுக் கொண்டிருக்கிறார்கள்.

வாஜ்பாய் ஆட்சிக்காலத்திலும் சரி, இன்றைய மோடி ஆட்சிக்காலத்திலும் சரி, பெற்ற சுதந்திரத்தை அமெரிக்காவிடமும் பன்னாட்டுக் கம்பெனிகளிட,மும் உள்நாட்டு பெரு முதலாளிகளிடமும் அடகு வைக்கிற, விற்கிற வேலையைத்தான்  செய்து கொண்டிருக்கிறார்கள்.

இந்தியா என்பது வெறும் மண்ணல்ல. மனிதர்களால் ஆனது. அனைத்து உரிமைகளையும் அவர்களுக்கு உறுதி செய்வதுதான் சுதந்திரத்தின் நோக்கம். அதுதான் அனைத்துக்குமான அடிப்படை.

அதனை கேள்விக்குறியாக மாற்றியுள்ள மோடி வகையறாக்களுக்கு மூவர்ணக் கொடியை தொடுவதற்கான அருகதை கூட கிடையாது.

காட்டிக் கொடுத்த களவாணிக் கூட்டத்தால்தான் இந்திய சுதந்திரம் என்பதே இன்று கேள்விக்குறியாக மாறியுள்ளது. அவர்களிடமிருந்து விடுவிப்பதே, தேசத்தின் உடனடித்தேவை.

யப்பா, களவாணிக் கூட்டமே, திருப்பி திருப்பி பொய் பேசிப் பேசி அதையே உண்மைன்னு நம்ப ஆரம்பிச்சுட்டீங்க. இப்படியே முத்திப் போச்சுன்னா உங்களை மன நல மருத்துவமனையில் கூட சேத்துக்க மாட்டாங்க!

பாண்டி மடத்துல, பச்சைத்துணி போட்டு சங்கிலில கட்டி வைக்கும் முன்னாடி திருந்திடுங்க ப்ளீஸ்.

பின் குறிப்பு :

பாண்டி மடம்  = விக்ரம் நடித்த சேது படத்தை நினைவு படுத்திக் கொள்ளுங்கள்

Thursday, August 17, 2017

வெட்கமா? ரோஷமா? எது மோடி?

வானொலியையும் தூர்தர்ஷனையும் தங்கள் அப்பன் வீட்டு சொத்தாகக் கருதி இருட்டடிப்பு செய்யப்பட்ட, பதிவு செய்யப்பட்ட தோழர் மாணிக் சர்க்கார் அவர்களின் உரை கீழே உள்ளது.

அவர்களின் அராஜகத்தையும் அடிமைத்தனத்தையும் சுட்டிக் காட்டியதால் வெட்கமோ அல்லது ரோஷமோ வந்து தங்களின் அதிகாரத்திமிரை பயன்படுத்திக் கொண்டு விட்டார்கள்.

மோடியைப் போல கதை விட்டுக் கொண்டு பொய் சொல்வதைத்தான் சிலர் இன்னும் நம்புகிறார்கள் என்பது இந்தியாவின் இன்னொரு துயரம்.





பிரிட்டிஷாரின் அடிமைகளிடமிருந்து சுதந்திரத்தைப் பாதுகாப்போம்!

நாட்டு மக்களுக்கு சுதந்திரத்தினத்தன்று அந்தந்த மாநிலத்தின் முதல்வர்களும் மாநிலத்தில் உள்ள அகில இந்திய வானொலி மற்றும் தூர்தர்ஷனில் வாழ்த்துச் செய்தியைக் கூறுவார்கள். இந்த ஆண்டும் அதே போன்று திரிபுரா மாநில முதல்வர் மாணிக் சர்க்கார், வாழ்த்துச் செய்தி கூறி அவற்றை நிலையத்தார் பதிவு செய்தும் வைத்திருந்தார்கள். ஆயினும் சுதந்திர தினத்தன்று அதனை ஒலிபரப்பிட நிலையத்தார் மறுத்துவிட்டார்கள். அதன் நகலை புதனன்று மார்க்சிஸ்ட் கம்யூனிஸ்ட் கட்சியின் பொதுச் செயலாளர் சீத்தாராம் யெச்சூரி தில்லியில் செய்தியாளர்களிடையே வெளியிட்டார். 

மாணிக் சர்க்காரின் ஒலிபரப்பப்படாத உரை இது.

அன்பார்ந்த திரிபுரா மக்களே, சுதந்திர தினத்தைக் கொண்டாடும் இத்தருணத்தில் உங்கள் அனைவருக்கும் என் வாழ்த்துக்களையும், வணக்கங்களையும் உரித்தாக்கிக்கொள்கின்றேன். இந்தியாவின் விடுதலைப் போராட்டத்தில் உயிர்நீத்தவர்களின் மாபெரும் நினைவுக்கு என் அஞ்சலியை செலுத்திக்கொள்கிறேன். இப்போதும் நம்மிடையே இருந்துவரும் விடுதலைப் போராட்ட வீரர்களுக்கு என் மனமார்ந்த வாழ்த்துக்களைத் தெரிவித்துக் கொள்கிறேன்.சுதந்திர தினத்தைக் கொண்டாடுவது என்பது வெறுமனே ஒரு சடங்கு அல்ல. 

அதன் வரலாற்று முக்கியத்துவம் மற்றும் அதனுடன் நாட்டு மக்களுக்கு உள்ள உணர்வுப்பூர்வமான பிணைப்பை மனதில்கொண்டு தேசிய அளவிலான ஒரு முக்கியமான விழாவாக சுதந்திர தினம் கருதப்படுகிறது.இந்த ஆண்டு சுதந்திர தினத்தன்று நாம் நினைவுகொள்ளவேண்டிய சில முக்கியமான மற்றும் சமகாலத்திய பிரச்சனைகள் இருக்கின்றன. வேற்றுமையில் ஒற்றுமை காணும் பண்பு என்பது நம் நாட்டின் பாரம்பரிய மரபாகும். நாம் கடைப்பிடித்துவரும் மதச்சார்பின்மையின் மாபெரும் மாண்புகள், நாட்டு மக்கள் அனைவரையும் ஒரு தேசமாக ஒருங்கிணைப்பதற்கு உதவி இருக்கிறது. 

ஆனால், இன்றைய தினம் இத்தகைய மதச்சார்பின்மை என்னும் மாண்பு மாபெரும் தாக்குதலுக்கு உள்ளாகி இருக்கிறது.சமூகத்தில் மக்கள் மத்தியில் சிக்கல்களையும், பிரிவினையையும் உருவாக்கக்கூடிய விதத்தில் விரும்பத்தகாத சக்திகள் முயற்சிகள் மேற்கொண்டு வருகின்றன.




மதத்தின் பெயராலும், சாதியின் பெயராலும், இனத்தின் பெயராலும் தேச ஒற்றுமை உணர்வினை சீர்குலைப்பதற்கான முயற்சிகள் நடந்து கொண்டிருக்கின்றன. பசுப் பாதுகாப்பு என்ற பெயரில் இந்தியாவை ஒரு குறிப்பிட்ட மதத்தைச் சார்ந்த நாடாக மாற்றுவதற்கான முயற்சிகள் நடந்து கொண்டிருக்கின்றன. இவற்றின் காரணமாக சிறுபான்மையினரும், தலித்துகளும் கடும் தாக்குதல்களுக்கு ஆளாகி இருக்கின்றனர். அவர்கள் மத்தியில் பாதுகாப்பு உணர்வு என்பது சிதைந்து சின்னாபின்னமாகிக் கொண்டிருக்கிறது. அவர்களின் வாழ்வு கடும் அபாயத்திற்கு உள்ளாக்கப்பட்டிருக்கிறது. இத்தகைய போக்குகளை சகித்துக்கொள்ள முடியாது. 


இத்தகைய சீர்குலைவாளர்களின் முயற்சிகள் என்பவை விடுதலைப் போராட்டத்தின் உன்னதமான லட்சியங்களுக்கும், கனவுகளுக்கும் எதிரானவைகளாகும். இதனைப் பின்பற்றுவோர் சுதந்திரப் போராட்ட இயக்கத்துடன் எந்தவிதத்திலும் சம்பந்தம் இல்லாதவர்களாவார்கள். இன்னும் சரியாகச் சொல்லப்போனால், பிரிட்டிஷாருக்கு அடிமையாக இருந்து சேவகம் செய்தவர்கள். 

இத்தகைய தேச விரோத சக்திகள்தான் இன்றையதினம் பல்வேறு பெயர்களில் நாட்டின் ஒற்றுமைக்கும் ஒருமைப்பாட்டுக்கும் அடிப்படையாக இருக்கும் ஆணிவேரையே வெட்டிச் சாய்த்திட முயற்சித்துக் கொண்டிருக்கிறார்கள். இவர்களிடமிருந்து நாட்டைக் காப்பாற்றிட நாட்டின்மீது பற்றுக்கொண்ட ஒவ்வொருவரும் இந்நன்னாளில் உறுதி எடுத்துக்கொள்வோம். 

நாட்டைப் பிளவுபடுத்த முயலும் இத்தகையவர்களின் நாசகரமான சதி வேலைகளை முறியடித்திட இந்நன்னாளில் உறுதி எடுத்துக் கொள்வோம். சிறுபான்மையினர், தலித்துகளின் பாதுகாப்பினை உத்தரவாதப்படுத்திடவும், இந்நன்னாளில் உறுதி எடுத்துக் கொள்வோம் .இன்றைய தினம் இருப்பவர்களுக்கும், இல்லாதவர்களுக்கும் இடையேயான இடைவெளி விரிவாகிக் கொண்டிருக்கிறது. நாட்டின் செல்வங்கள் விரல்விட்டு எண்ணக்கூடிய ஒருசிலரின் கைகளில் குவிந்துகொண்டிருக்கின்றன. 

பெரும்பான்மையான மக்கள் வறுமைக்குழிக்குள் தள்ளப்பட்டுக் கொண்டிருக்கிறார்கள். மிகவும் மனிதாபிமானமற்றமுறையில் அவர்கள் சுரண்டப்படுகின்றனர். இவர்களுக்கு உணவு, உடை, உறையுள், கல்வி, சுகாதாரம், வேலை வாய்ப்புகள் மறுக்கப்படுகின்றன. இவை அனைத்தும் விடுதலைப் போராட்டத்தின் குறிக்கோள்களுக்கும், லட்சியங்களுக்கும் எதிரானவைகளாகும். இத்தகைய மக்கள் விரோதக் கொள்கைகள் மாற்றியமைக்கப்பட வேண்டும். வெறும் வார்த்தைகள் இதனைச் செய்திடாது. இவற்றை அடைந்திட நாட்டு மக்கள் அனைவரும் ஒன்றுபட்டு அச்சமின்றி போராட முன்வர வேண்டும். 

நாட்டின் பெரும்பான்மை மக்களின் நலன்களைக் காத்திட நிச்சயமாக ஒரு மாற்றுக்கொள்கை நமக்குத் தேவை.இத்தகைய மாற்றுக் கொள்கையை எதார்த்தமாக்கிட இந்த சுதந்திர நன்னாளில் உறுதி ஏற்போம். பொருளாதார, அரசியல் மற்றும் சமூக இயக்கத்தினை விரிவான முறையில் கட்டி எழுப்பிட இந்நன்னாளில் உறுதி ஏற்போம்.வேலையில்லாத் திண்டாட்டம் கடுமையாக மாறி இருக்கிறது. ஒரு பக்கத்தில் லட்சக்கணக்கானவர்கள் வேலைகளிலிருந்து   நீக்கப்பட்டுக் கொண்டிருக்கிறார்கள். மறுபக்கத்தில் கோடிக்கணக்கானவர்கள் வேலை கேட்டு காத்துக் கொண்டிருக்கிறார்கள். நாட்டின் பொருளாதாரக் கொள்கையில் மாற்றத்தைக் கொண்டுவராமல் இதற்குத் தீர்வு காண முடியாது. இதற்கு நம் மாணவர்கள், இளைஞர்கள், உழைக்கும் வர்க்கத்தினர் அனைவரும் ஒன்றுபட்டு நின்று நாசகரமான இக்கொள்கையை முறியடித்து மாற்றுக் கொள்கையை உருவாக்கி முன்னேற இந்நன்னாளில் உறுதி ஏற்போம்.

திரிபுராவின் எதிரிகள்

மத்திய அரசின் மக்கள் விரோதக் கொள்கைகளுக்கு எதிராக திரிபுரா மாநில அரசு தனக்கிருக்கிற குறைந்தபட்ச அதிகாரங்களைக்கொண்டு மக்கள் நலத் திட்டங்களை நடைமுறைப்படுத்தி வருகிறது. குறிப்பாக அடித்தட்டு மக்களின் முன்னேற்றத்திற்கு தனிக் கவனம் செலுத்தி வருகிறது. இது நாட்டில் ஒட்டுமொத்தமாக வித்தியாசமான மாற்றுப் பாதையாகும். இது திரிபுரா மக்கள் மத்தியில் ஆக்கப்பூர்வமான அணுகுமுறையை ஏற்படுத்தி இருக்கிறது. 

எனவே மக்களின் எதிரிகள் திரிபுரா மாநில மக்கள் மத்தியில் நிலவும் இத்தகைய சகோதரத்துவத்தையும், ஒருமைப்பாட்டையும் சீர்குலைத்திட பல்வேறுவிதமான சதிவேலைகளில் ஈடுபட்டு வருகிறார்கள். நம் வளர்ச்சிப் பணிகளையும் சீர்குலைத்திடவும் முயற்சித்து வருகிறார்கள். இத்தகைய இவர்களின் புனிதமற்ற சூழ்ச்சிகளை முறியடிக்க வேண்டிய நிலையில் நாம் இருக்கிறோம். இந்தப் பின்னணியில் திரிபுராவின் அமைதியை விரும்பும் மக்கள் அனைவரும் இத்தகைய சீர்குலைவு சக்திகளுக்கு எதிராக ஒற்றுமையுடன் நிற்போம் என்று உறுதி எடுத்துக் கொள்வோம்.

சர்க்கார் என்ன சர்சங்சாலக்கா?




மோடிக்கும் அமித் ஷாவுக்கும் இடையிலான ஒரு உரையாடல். கற்பனைதான் என்றாலும் இப்படி நடந்திருக்க வாய்ப்பு கண்டிப்பாக உண்டு.

மோடி : என்ன அமித்து, என்னோட சுதந்திர தினப்பேச்சைப் பற்றி என்ன பேசறாங்க?

அமித் ஷா: போங்கண்ணே, இந்தாளுக்கு மார்பு 56 இஞ்ச் இருக்கோ இல்லையோ, வாய் அதுக்கு மேல. நல்லா கதை விடறான்னு சொல்றாங்க

மோடி: ஜனவரி சஸ்பென்ஸ் பற்றி

அமித் ஷா :  எல்லாத்தையும்தானே ஏற்கனவே பறிச்சுட்டாங்களே, இன்னும் என்ன பாக்கி இருக்குன்னு கேட்கறாங்க?

மோடி : நம்மாளுங்க எல்லா இடத்திலயும் கொடி ஏத்துனாங்களா?

அமித் ஷா: பல பேரு நம்ம கட்சிக் கொடிக்கம்பத்துலேயே ஏத்திட்டாங்க. இதான் இவனுங்க தேசியக் கொடிக்கு கொடுக்கற மரியாதைன்னு அதுக்கு வேற திட்டறாங்க

மோடி : சரி, வேற ஒன்னும் பிரச்சினை இல்லையே?

அமித் ஷா:  திரிபுரால மாணிக் சர்க்கார் பேசினதை ஒளிபரப்பாம தடுத்தோம் இல்லையா, அதை வச்சு இதுதான் சுதந்திரமான்னு கழுவி கழுவி ஊத்தறாங்க. மோகன் பகவத் விஜயதசமி அன்னிக்கு பேசறதை நேரடி ஒளிபரப்பு செஞ்சீங்களே, அந்தாள் என்ன பிரதமரா, ஜனாதிபதியா, சி.எம் பேசறதை மட்டும் இருட்டடிப்பு செய்வீங்களான்னு கேட்கறாங்க

மோடி: அபச்சாரம், அபச்சாரம். அந்தாளு மாணிக் சர்க்கார் என்ன நம்ம சர்சங்சாலக்காயா? அந்தாளா என்னை பிரதமராகவும் உன்னை கட்சித் தலைவராகவும் ஆக்கினாரு? 

மோகன் ஜி யாரு அண்ணன், எனக்கு அண்ணன், உனக்கு அண்ணன், தம்பிக்கெல்லாம் அண்ணன். அண்ணன்டா. 

அவரு கோயில் காளை மாதிரி, எங்க வேணா போகலாம். என்ன வேணா செய்யலாம்.

ஆனா அந்த சர்க்கார், நம்ம பண்ற தப்பையெல்லாம் பேசி, சுதந்திரம், கொள்கை, அடிமைத்தனம்னு எல்லாம் பேசினா எப்படிய்யா அதை போட முடியும்? அதிகாரத்தை கையில வச்சுக்கிட்டு அதை எப்படிய்யா நம்மால அனுமதிக்க முடியும்.

சரி, சரி வழக்கம் போல அப்படியெல்லாம் எதுவும் நடக்கலைன்னு யாராவது அல்லக்கையை விட்டு அறிக்கை கொடுக்க வைச்சுடு!

அமித் ஷா: அப்படியும் செஞ்சோம். நம்ம சின்னத்தம்பிங்க சில பேரு அதை ஃபேஸ் புக்குல கூட போட்டாங்க. ஆனா சர்க்கார் பேச்சை மாத்துன்னு எழுதின கடிதத்தை பதிலா போட்டுட்டாங்க, பாவம் நம்ம தம்பிங்களால அதுக்கப்பறம் வாயே திறக்க முடியலை.

மோடி : சரி சரி கூடிய சீக்கிரம் எமர்ஜென்ஸியே கொண்டு வந்துடறேன். அப்பதான் ஒத்தனும் வாயே திறக்க மாட்டான்.

அமித் ஷா: அப்படியே செய்யுங்கஜி. அதையும் பாராட்டதற்கு ஒரு பெரிய முட்டாள் கூட்டமே கைவசம் இருக்கு.

Wednesday, August 16, 2017

இது கூட ஸ்ட்ரைக் போலத்தான் ரஜனி




ஆஸ்ரம் பள்ளி கட்டிடத்திற்கு வாடகை கொடுக்காத பிரச்சினை தொடர்பாக அப்பள்ளியின் சார்பாக அளிக்கப்பட்டுள்ள அறிக்கை.

தங்கள் பிரச்சினைகளுக்காக, தாங்கள் சுரண்டப்படுகையில் தொழிலாளர்கள் "வேலை நிறுத்தம்" செய்வதை தமிழில் பிடிக்காத வார்த்தை என்று சொன்னது நினைவில் உள்ளதல்லவா? 

இதோ, அதே சுரண்டல் என்ற வார்த்தையைப் போட்டு வாடகை கொடுக்காத போராட்டத்தை ரஜனியின் குடும்பத்தினரே நடத்தியுள்ளார்கள்.

இடத்தின் உரிமையாளருக்கு எதிராக அவர்கள் நடத்தியுள்ள இந்த வேலை நிறுத்தம் இப்போது உங்களுக்கு பிடித்தமான வார்த்தையா திரு ரஜனிகாந்த் அவர்களே!

இந்திராவை காமராஜர் பிரதமராக்க காரணம் . . .





தாஷ்கண்ட் நகரில் பிரதமர் லால்பகதூர் சாஸ்திரி இறந்து போய் விட்டார். தேசமே துயரத்தில் தவித்தது. அடுத்த பிரதமர் யார் என்ற பரபரப்பான கேள்விக்கு பதில் சொல்ல வேண்டிய பொறுப்பு காமராஜர் தலையில் விழுந்தது.

அவர் தனக்கு மிகவும் நம்பிக்கையான ஒருவரிடம் மட்டும் ஆலோசனை கேட்டார்.

அந்த நம்பிக்கையானவரும் சொன்னார்.

“மொரார்ஜியா, இந்திராவா என்று பார்த்தால் மொரார்ஜி நல்லவர்தான். ஆனால் இந்தியா மாதிரியான பிற்போக்குத்தனங்கள் நிரம்பிய ஒரு நாட்டில் ஒரு பெண் பிரதமரானால் அது பெண்கள் வாழ்வில் முன்னேற்றம் வர உதவிகரமாக இருக்கும். ஆகவே இந்திரா காந்தியை தேர்வு செய்யுங்கள்”

என்று ஆலோசனை சொன்னார். அது எவ்வளவு விபரீதங்களை உருவாக்கும் என்று அப்போது ஆலோசனை சொன்னவருக்கும் தெரியவில்லை. காமராஜருக்கும் தெரியவில்லை. ஆனாலும் அந்த ஆலோசனைப்படி இந்திரா காந்தியையே பிரதமராக்கினார் காமராஜர்.

இச்செய்தியில் மிக முக்கியமான செய்தி ஒன்று உண்டு.

காமராஜருக்கு ஆலோசனை சொன்னது நான்தான்.

பின் குறிப்பு

11 ஜனவரி 1966 அன்று லால் பகதூர் சாஸ்திரி இறந்து போனார் என்பதும் நான் பிறந்தது 19 மே 1966 என்பதும் இச்செய்திக்கு அவசியமில்லாத விஷயங்கள்.

Tuesday, August 15, 2017

இன்னும் என்ன பாக்கி மோடி?



"சொன்னதைச் செய்வோம், செய்வதைத்தான் சொல்வோம்"

தமிழகத்தில் மலினமாகி விட்ட அரசியல் மொழி. 

"சொன்னதை செய்ய மாட்டோம். செய்வதை சொல்ல மாட்டோம்" 

என்பது மோடியின் மொழி.

மூன்றாண்டுகளில்  மோடியின் ஆட்சிக்காலம் உணர்த்தியது இதைத்தான். தேர்தல் காலத்தில் அளித்த வாக்குறுதி எதையும் அவர் நிறைவேற்றவில்லை. நிறைவேற்ற எந்த முயற்சியையும் இதுவரை எடுக்கவில்லை. இனிமேலும்  எடுப்பார் என்ற நம்பிக்கையும் இல்லை. ஏனென்றால் அதெல்லாம் தேர்தல் நாடகம் என்று அவர் கட்சித்தலைவர் அமித் ஷா சொல்லி விட்டார்.

ஆனால் 

அனைத்து தரப்பு மக்கள் மீதும் அனைத்து விதமான தாக்குதல்களையும் மோடி  ஏற்கனவே நடத்தி முடித்து விட்டார்.

பணத்தை பறித்தார்.
உணவை பறித்தார்.
உரிமையை பறித்தார்.
உயிர்களையும் தவணை முறையில் பறித்துக் கொண்டிருக்கிறார்.

இனி ஜனவரி 2018 ல் நம்மிடமிருந்து பறிக்க இன்னும் என்ன பாக்கி இருக்கிறது?

மோடியை ஆதரிக்காதவர்கள் அத்தனை பேரையும் நாடு கடத்துவாரா?

அல்லது காவிக்குண்டர்கள் 

வீடு வீடாக புகுந்து கொன்று போடுவார்களா?

எதையும் மோடியால் செய்ய முடியும்.
அதுதான் அவரது சாமர்த்தியம் என்று அதையும் பாராட்ட ஒரு வெட்கம் கெட்ட கூட்டமும் காத்திருக்கும். 
 

துயருற்ற வேளையில் கொண்டாட்டமா?

சுதந்திரம் அடைந்த தினத்தை நினைவு படுத்தி வாழ்த்துச் செய்திகள் வந்து கொண்டிருக்கின்றன.

கொத்து கொத்தாய் மழலைகள் மடிந்த துயரம்.

விவசாயி நிர்வாணமாய் நின்றாலும் புறக்கணிக்கப்பட்ட அலட்சியம்

தகுதியற்றவர்கள் கொடியேற்றும் கொடுமை

தியாகிகளை நினைவில் கொண்டாலும்
கொண்டாட மனமில்லை.

அகலட்டும் அவல ஆட்சி
அதன் பிறகே மலரும்
மீண்டும் சுதந்திரம் 

Sunday, August 13, 2017

பொன்னார்-குஷ்பு-தோணி




கொஞ்சம் கூட சம்பந்தமே இல்லாத தலைப்பாக இருக்கிறதே என்றுதானே நினைக்கிறீர்கள்.

இவர்கள் மூவரையும் ஒரே நாள் ஒரே இடத்தில் பார்த்தேன்.

சூரத்திற்கு மும்பை வரை விமானத்திலும் அங்கிருந்து புகைவண்டியிலும் சென்றோம்.

சென்னை விமான நிலையத்தில் கண்ணாடி விழ வாய்ப்பில்லாத பாதுகாப்பான இடத்தில் பாதுகாப்பு சோதனைகள் முடிந்து அமர்ந்திருந்த போது பார்த்த ஆட்கள் இவர்கள்.

இவர்கள் கடந்து போன போது எனது இருக்கைக்கு பின்னே அமர்ந்திருந்த ஒருவர் தன் நண்பரிடம் சொன்ன கமெண்டுகள் சுவாரஸ்யம். அவற்றை இங்கே நீல நிறத்தில் பகிர்ந்து கொள்கிறேன்.

பொன்னார் கையை பின்னால் கட்டிக் கொண்டு விரைப்பாக வேகமாக நடந்து போனார். அவருடைய பாதுகாவலரால் அந்த அளவிற்கு வேகமாக நடக்க முடியாமல் கிட்டத்தட்ட ஓடினார்.

சட்டைக்குப் போடற கஞ்சியை இவரும் குடிச்சிட்டாரோ, மனுசன் இவ்வளவு விரைப்பா போறாரு.

குஷ்பு கூட இன்னொரு பெண்மணியோடு நிதானமாக நடந்து போனார். அனேகமாக எல்லா கண்களும் அவர் மீதுதான்.

மேக்கப்புக்கே இரண்டு லட்ச ரூபாய் செலவு செய்வாங்க போல. இன்னிக்கு அதெல்லாம் செய்யலை போல. வருஷம் 16 ல் பாத்த குஷ்புவா இது?

முன்னே ஒரு ஐந்து பேர், பின்னே ஒரு ஐந்து பேர், நான்கு போலீஸ்காரர்கள். வேகமாக நடந்து போனார் தோணி

போறது தோணியா, பாட்சாவா? தல தலதான்.

திரும்பி வருகையில் எந்த வி.ஐ.பி யும் வரவில்லை.